BOLAKU BERTAMBAH

Di hiji kampung, aya dua bersaudara, nya pokona mah kembar weh, nepi ka panyakitna oge kembar, Gondongeun. Lanceukna ngaranna Ata, adina ngaranna Ato. Maranehannana geus berobat ka mana-mana, ti dokter nepi ka dukun teu bisa nyageurkeun panyakit gondongeun eta “Ieu mah panyakit ngajodo, jadi teu bisa dicageurkeun” ceunah majarkeun teh ceuk si Dukun, da pedah gondongeun anu si Ata di kenca, anu si Ato katuhu.
Duaan eta stress berat weh lah pokona mah. Hiji waktu si Ata rek menenangkan diri “Ta, aing rek nguseup heula di lebak, maneh tungguan imah”. Si Ata indit jam 4 sore. Si Ata nguseup weh. Teu kungsi lila si Ata tunduh, sare weh. Lila kalilaan aya anak jin, teu katingalieun ku si Ata na mah. “Bapa, Acong hoyong maen bola” ceuk si Acong (anak jin) ka bapana. “Mana bolana Acong atuh ari maneh macem-macem wae!” tembal bapana. “Tuh!” ceuk si Acong bari nuduhkeun ka gondongeunana si Ata. Di cokot weh gondongeun si Ata ku anak jin eta. Pas si Ata hudang, terus balik, pas diimahna ditanya ku adina “Maneh geus berobat timana? Geuning gondongeunana leungit (bari heran)”. “Wah gondongeun urang leungit! (bari reuwas jeung atoh)” ceuk si Ata. “Wah ieu mah pedah nguseup di dinya geura ieu mah nya kang!” ceuk si Ato. “Meureun” ceuk si Ata bari kalem.
Pas isukanana si Ato nurutan si Ata, jam 4 sore nguseupna di tempat biasa. Sarua deuih pas nguseup teh lila kalilaan tunduh, tuluy sare, tuluy datang anak jin. “Bapa bosen ah maen bola wae mah ah, Acong mah hoyong maen kaleci”. “Teundeun deui atuh di tempatna deui bari cokot kalecina” ceuk bapana. Gendongeun anu si Ato nambahan, siki manukna euweuh duanana di cokot ku si Acong. Pas hudang, balik weh. Pas datang ka imah si Ato langsung ka WC da teu kuat hayang ngompol, manehannana nyadar siki manukna euweuh duanana, si Ato kaluar ti WC tibuburanjat reuwas, tuluy si Ato jojorowokan “ siki manuk urang leungit!” datang si Ata “Ato, kunaon ari maneh asa gendut kieu maneh teh” ceuk si Ata. “Aing rugi pisan poe ieu gondongeun si akang pindah ka urang, siki manuk weh leungit duanana.