Mata Monyet

Hiji waktu aya budak nu ngaranna Udin hobi pisan maen langlayangan. Manehannana ngaraja dina maen langlayangan, mun aya nu ngajak ngadu, langsung weh ngadu manehannana, tapi sok meunang wae si Udin teh.
Aya hiji jalma anu ngewaeun ka si Udin pedah si Udin balaga alias sombong. Di tantang si Udin ku si Ase “Din tong balaga siah maneh hayu urang ngadu langlayangan jeung urang!” ceuk si Ase bari tipoporongos. “Hayu lah pira oge maneh samenit ge anggeus ngelehkeun maneh mah” tembal si Udin.
Budak anu duaan eta silih apungkeun langlayangan. Sanggeus jauh langlayanganana ngararapung langsung weh maranehannana rariweuh pada hayang meunans silih pulut, nepi ka kenur maranehannana karusut jeung leungeunna oge milu kusut bakating ku hayang meunang.
Akhirna si Udin anu eleh. “waduh aing eleh ku si ontohod euy! Gelo teh!!!” ceuk si Udin bari ararambek. “Puas siah maneh medok ku aing! Rasakeun siah!” tembal si Ase ka si Udin. Tuluy si Udin ngudag langlayangan manehanana anu elehna teu jauh ti tempat manehannana maen langlayangan, nyaeta di kebon bapana anu di kebonnana teh melak aya tangkal jagong anu geus dipanen jeung geus ditaluaran. Si Udin lulumpatan tibuburanjat nepi ka “lost control” sukuna tikudawet kanu kenur, tuluy labuh, langlayanganana beunang ku batur, ditambah matana anu bolotot kanu tunggul jagong nepi ka mata anu kencana bocos.
Indung bapana langsung melarikan Udin ke rumah sakit Cibakekok. Tah didinya si Udin dirawat. Si Udin embung lolong najan anu lolongna anu kenca wungkul. “Pak Dokter tolong sembuhkan anak aing, pokona mah anak aing kudu bisa neuleu deui!” ceuk bapana bari tipoporongos. “Waduh pak, kebetulan stock mata yang ada di Rumah Sakit Cibakekok ini habis, tapi masih ada satu mata lagi yang nganggur, tapi ini adalah mata monyet pak, gimana!” cenah ceuk dokter. “Bae weh lah sok pakekeun weh ka anak aing asal anak aing bisa neuleu deui, buru!” tembal bapana. “Baiklah pak, silahkan anda tunggu di ruang tunggu” ceuk dokter.
Sanggeus rengsena eta operasi anu dilaksanakeun ku dokter ternyata berhasil cenah ceuk dokterna. Si Udin hayang ngetes mata monyetna. Tuluy indit ka luar. Pas di luar “Waduh hade kieu mata monyet teh, teu jauh beda jeung mata anu saencanna!” ceuk si Udin bari bungah.
Di hiji tempat, manehannana ninggali suatu benda anu warnana koneng, bentuk lonjong rada melengkung, ukuran ± 30 cm. Mata kenca : Weeees itu aya cau, dahareun euy, cokot ah!!!. Mata katuhu : Eiiiiit keheula ari maneh Kenca anu kitu disebut cau, belegug siah, anu kitu teh tai kehed!. Mata kenca : Urang ningali cau geus mangtaun-taun, moal salah eta mah cau, sok buru geura dahar Udin!. Matana anu kenca jeung anu katuhu pasea. Tungtungna mah di dahar benda eta teh nepi ka beak da si Udin lapar. “NYA CEUK AING TAI, TAI!” ceuk mata anu katuhu.